RECOMENDACIÓNS DE LECTURA PARA O VERÁN

Ola amiguiños!

Aquí vos deixamos as recomendacións de lectura para este verán! Agardamos que vos gusten moito. 

VER EN SLIDESHARE

Visita á Biblioteca do Seminario

Bos días amiguiños!

Hoxe venres, 24 de maio, o alumnado de 6º curso de Educación Primaria fixo unha visita moi especial a un lugar incrible que atopamos moi cerca da nosa escola: a biblioteca do Seminario.

Alí quedaron abraiados con todo o que viron e aprenderon da man de Don Félix Villares, quen lles falou sobre a construcción de dito seminario, o 3º en antigüidade de toda España. Grazas a el descubriron numerosas curiosidades e puideron coñecer verdadeiros tesouros, como a biblia políglota, un libro do Século XIII sobre a vida de San Francisco de Asís, o primeiro dicionario de galego de Valladares (datado do ano 1884) e tres incunables. Ademais diso, os nenos foron agasallados con libros, e para a nosa biblioteca tamén nos deron dous exemplares. A visita non puido ser mellor! E vos... sabiades que a biblioteca do Seminario era así? Paga a pena visitala! Estamos seguros que volveremos! 

LETRAS GALEGAS 2019

Bos días amiguiños!

Aquí vos deixamos os vídeos creados polo Equipo de Biblioteca (en colaboración co EDLG e o Equipo de TICS) do CEIP ÁLVARO CUNQUEIRO con motivo dun dos días máis especiais do ano, o día das nosas Letras Galegas. Agardamos que vos gusten!

Un saudiño!

LETRAS GALEGAS 2019

Boas amiguiños!

Hoxe quero ensinarvos que a colección dedicada ás Letras Galegas que temos no cole aumentou. Podedes levar xa de préstamo os novos títulos e mergullarvos nun mundo de fantasía con estes novos libros! Agardamos que vos gusten!

Visita de Paco Piñeiro

Boas amiguiños!

Hoxe, o noso veciño natural de Mondoñedo fíxonos unha visita ao cole. El é Paco Piñeiro e quixemos invitalo este ano como principal autor para festexar as Letras Galegas 2019.

Nas primeiras horas da mañá o noso alumnado repartido por niveis (Infantil por un lado, 1º e 2ºEP, 3º e 4º EP e finalmente 5º e 6º EP), desfrutaron dunha representación teatral da man de Paco máis a súa dona Paz. Realmente estivo moi ben, xa que aos nenos/as lles gustou moito e a obra estaba adaptada ás demandas do público. 

E, para rematar a xornada reuníunos a todo o centro para contarnos un pouquiño a súa vida e poder facerlle algunha que outra preguntiña. 

Moitas grazas Paco e Paz por visitarnos e por agasallarnos con varios libros que xa están nun recuncho da nosa biblioteca.

LIBRO VIAXEIRO

Boas amiguiños!

Aquí vos deixamos o libro viaxeiro creado con motivo da celebración do día do libro por todo o alumnado do CEIP Álvaro Cunqueiro Mora. É este un libro que nos conta unha historia moi especial, que foi comezado  polos nenos e nenas de Educación Infantil e rematado polo alumnado de 6º de Educación Primaria. Este libro axudaranos a percorrer Mondoñedo da man dun persoeiro que desprende moita máxia, adiviñades quen é o protagonista? Agardamos que vos guste moito!

Un saudiño!

VER EBOOK

VER PDF

23 de Abril: Día do libro

Ola amiguiños!

Con motivo da celebración do día do libro fixemos un apadriñamento lector no patio do noso colexio. Así, os nenos e nenas de Educación Infantil e 1º e 2º de Educación Primaria tiveron a oportunidade de escoitar as historias que moi gustosamente lles leu o alumnado de  3º, 4º, 5º e 6º de Educación Primaria. Moitas gracias a todos os mestres e a todo o alumnado desta escola pola súa colaboración.