domingo, 1 de xullo de 2018

Proxecto Juan Puchades (2018)


Moi bos días amiguiños/as! 

Coa entrada do ano 2018, no cole propuxémonos traballar todos/as xuntos para participar nun proxecto que nos presentou a Asociación "Tá en Artes". Trátase dunha homenaxe de cara a unha das figuras artísticas máis destacadas da Mariña, Juan Puchades Quilis, artista  de orixe valenciano afincado en Mondoñedo dende hai varias décadas. 

Deste xeito, dende os máis pequechos/as de Ed.Infantil ata os nosos maiores de 6º de Ed. Primaria puxémonos mans á obra e logramos traballos tan fermosos coma os que vos vou ensinar. Ademais, os nosos nenos/as de Infantil están de noraboa, pois foron premiados pola súa fantástica aportación ao proxecto. 

A continuación, agardando que vos guste, déixovos unha mostra da exposición dos traballos que estivo durante o mes de Xuño no Centro de Interpretación da Mariña (CENIMA, Foz): 



Vista de conxunto
Ed. Infantil + Catedral


2º de Ed. Primaria
6º de Ed. Primaria
Ed. Infantil.

1º de Ed. Primaria
5º de Ed. Primaria
Ed. Infantil
4º de Ed. Primaria
Ed. Infantil e 3º de Ed. Primaria
Ed. Infantil




luns, 26 de febreiro de 2018

Día de Rosalía 2017-18 (23 de Febreiro)

Boas de novo amiguiños/as!
Este ano, con motivo da conmemoración do nacemento de Rosalía de Castro -unha das autoras máis ilustres da nosa literatura-, os nenos de 5º de Primaria quixeron honrala traballando cos seus poemas. Para iso, lérono,  elaboráronos nunha cartolina, ilustráronos, memorizáronos e incluso os representaron. Toda unha aventura! 

Como veredes, ademais, tocaron temas moi diferentes: a natureza, o amor, a emigración... 

Agardo que vos guste!

Merliño.

mércores, 10 de xaneiro de 2018

ANO NOVO... OPORTUNIDADE PARA NOVAS LECTURAS!

Feliz aninovo amiguiños!
Chega o 2018 e con el unha gran oportunidade para mergullarnos en novas e apasionantes lecturas. Ben seguro que os Reis Magos, o Apalpador ou mesmo Papá Noel vos trouxeron algún libriño co que inaugurar o novo ano, pero xa sabedes que eu, Merliño, vos estou agardando na Biblioteca para ofrecervos o meu agasallo en forma de libro, para regar e cultivar as vosas mentes. 
Déixovos este spot animándovos a sacar sempre un anaquiño a diario para relaxarnos e disfrutar dunha boa lectura. 

sábado, 25 de novembro de 2017

SAMAÍN & MAGOSTO 2017
Un ano máis, os nenos e nenas, mestres e mestras do cole non deixaron pasar a oportunidade de celebrar o Samaín e o Magosto. Eu, Merliño, tampouco me puiden resistir e acabei probando algunha castaña! Que boas estaban!
Pasámolo en grande, participamos nun montón de xogos tradicionais por cursos e fixémoslle oco a unha morea de castañas que degustamos entre todos. 
Aquí vos deixo un vídeo cun resumo do que vos acabo de contar. Agardo que vos guste! Vémonos amiguiños!

martes, 24 de outubro de 2017

Benvidos/as un ano máis!

BiblioMerlinho abre de novo as súas portas agardando a vosa visita!

Que tal amigos e amigas? Xa botavades en falla disfrutar das fantásticas historias que se contan na miña casa? 
Pois que saibades que o voso amigo Merliño quixo adicarvos un vídeo de benvida para este novo curso 2017/18. Hoxe, 24 de Outubro, abro de novo este espazo de soños e ilusións no que agardo que vos mergulledes. 

Vémonos amiguiños! Saúdos!



venres, 31 de marzo de 2017

ROSALÍA

Boas amigas e amigos!

Xa tiña ganas de compartir con vós algúns dos traballos que fixemos sobre Rosalía co obxectivo de dar a coñecer e difundir o poder da súa palabra entre os máis pequenos/as.

Por certo, menudos artistas están feitos! A que sí?

Un saúdo.
Merliño


xoves, 23 de marzo de 2017

GUÍA DE USUARIOS/AS

Ola de novo!

Aínda que tamén está na biblioteca á vosa disposición, vou a deixarvos por aquí  a guía de ususarios/as. Nela tedes un montón de información ben interesante así que, eu de vós prestaríalle moita atención. Ademais nela tamén están as normas para que todos/as poidamos desfutar da miña casa e dos tesouros que agocho nela: os libros. Hai para todos os gustos, así que non esquezades facerme moitas visitas, xa sabedes que seredes ben recibidos/as!